यो संसार प्राकृतिक सम्पदा र सम्पतिले भरिभराउ छ, तर पनि हामीलाई यो प्राकृतिक देनहरूको बारेमा सायदै थाहा होला।आज हामी तपाईँहरूलाई यस्तै किसिमका नौला र अनौठा कुराहरूको बारेमा जानकारी दिनेछौँ जुन तपाईँहरूलाई थाहा नभएको हुन सक्छ।

यी १० जनावरहरू साँच्चै नै अनौठा किसिमका छन्, हेरौँ त एकपल्ट!!

१. हमिङ्ग बर्ड

यो चरा एक मात्र चरा हो जुन पछाडिबाट उड्न सक्छ, अनि यस चराले १ सेकेण्डमा ८० चोटि आफ्नो पँखेटा चलाउन सक्छ। के तपाईँलाई यो कुराको बारेमा ज्ञान थियो त?

२. बङ्गुर

बङ्गुरलाई नचिन्ने सायदै कोहि होला, तर के तपाईँलाई यो थाहा थियो कि उनिहरूले एक-अर्कासँग कुराकानी गर्न सक्छन् भनेर? वैज्ञानिकहरूले अझसम्म बङ्गुरको २० शब्दलाई चिन्न सफल भइसकेका छन्, जसमा ‘मलाई भोक लाग्यो!’ पनि पर्दछ।

३. कुकुर

घरमा कुकुर नपाले पनि कुकुरलाई नदेखेको को होला र है? तर कुकुरहरूको नाकको छाप ठ्याक्कै मानिसको औँलाको छाप जस्तै हुन्छ नि!!

४. शङ्खे किरा

झरी मौसममा शङ्खे किराहरू घर-आँगनमा आएर तपाईँहरूलाई सताउँछन् होला हैन? तर यो किराको बारेमा थाहा पाउनुभयो भने अचम्म मान्नुहुन्छ। शङ्खे किराको आँखामा घाउ भएर अथवा केहि भएर आँखा गुमाएको छ भने, फेरि अर्को आँखा निकाल्न सक्छ। अबुइ!!

५. जिराफ

जिराफहरूको स्वर ग्रन्थि हुँदैन र उनिहरूको जीब्रो नीलो-कालो रङ्गको हुन्छ।

६. लोखर्के

कुनै बगैँचामा जाँदा रूखको हाँगाहरूमा लोखर्के देख्नुभएको छ भने, त्यो रूख मानिसले रोपेको नहुन सक्छ। कसले रोप्यो त भनेर सोध्नुहुन्छ भने, म भन्छु, ‘लोखर्केले रोप्यो!’ कसरी थाहा छ? लोखर्केले आफूले खानको लागि बिउ पुरेको हुन्छ र पुरेको ठाउँ बिर्सेपछि त्यो बिउ उम्रेर रूख बन्दछ।

७. कमिला

हरेक एक मानिसको ठाउँमा करिब १० लाख कमिलाहरू यो संसारमा पाइन्छन्। अनि कमिलाहरू कहिल्यै पनि सुत्दैनन् र उनिहरूको फोक्सो पनि हुँदैन।

८. पुतली

आहा! पुतली कति राम्रो हुन्छ है! पुतलीहरूसँग दुईवटा आँखा हुन्छन् जसमा १००० वटा लेन्सहरू हुन्छन्, तर उनिहरूले केवल रातो, हरीयो र पहेँलो रङ्ग मात्रै देख्न सक्दछन्, त्यसैले होला पुतलीहरू फूलमा बढी आकर्षित हुने!!

९. बिरालो

क-कसको घरमा बिरालो पालेको छ? पालेको हुनुहुन्छ भने यो जान्न महत्वपूर्ण हुन्छ कि बिरालोको कानमा कुल ३२ वटा मांशपेशीहरू हुन्छन्, जसले गर्दा उनिहरूको सन्ने क्षमता अरू प्राणीको भन्दा धेरै हुन्छ।

१०. झिङ्गा

झिङ्गाहरूको आयु जम्मा १४ दिनको मात्रै हुन्छ तर उनिहरूले आफ्नो छोटो जिवनकालमा पनि आफ्नो सङ्गीतप्रेम दर्शाइरहेका हुन्छन्। उनिहरूको पँखेटाबाट निस्कने ध्वनी पनि ‘एफ्’ नोटमा हुन्छ र जुन ठाउँमा ‘एफ्’ नोटको सङ्गीत बजाइरहेको हुन्छ, त्यहाँ झिङ्गा बढी आउने गर्दछन्।