ग्राहकको वित्तीय आवश्यकतालाई ‘सहज र सरल तरिकाले पूरा गर्ने उद्देश्यले' यस्तो कर्जा योजना ल्याएको बैंकले बताएको छ। मासिक आम्दानी हुने व्यक्तिले यो योजनाबाट फाइदा लिन सक्ने बैंकका प्रमुख कार्यकारी अधिकृत राजनसिंह भण्डारीले बताए।
यो कर्जाको लागि नियमित मासिक आय भएको र सो आम्दानी जम्मा भएका बैंक खाता विवरण, पान नम्बर तथा सो आम्दानीको कर चुक्ता प्रमाण भएको व्यक्तिले आवेदन गर्न सक्नेछन्। उक्त कर्जा योजनाअन्तर्गत न्यूनतम ३ लाख कर्जा समान मासिक किस्तामा ५ वर्षभित्र भुक्तानी हुने गरी उपलब्ध गराइनेछ। यो कर्जा लिने ग्राहकको ऋण रकम बराबरको बिमा बैंक स्वयंले गरिदिने छ। यो योजना अहिलेलाई सिटिजन्सको उपभोक्ता कर्जा विभाग, थापाथलीबाट प्राप्त गर्न सकिने बैंकले जनाएको छ।