र्कीमा जमिनमुनी पुरानो शहर फेला परेको छ । जमिन खन्ने क्रममा करिव ५००० वर्ष पुरानो शहरको अवशेष भेटिएको सञ्चार माध्यमले जनाएका छन् । खोजी नै नगरिएको समयमा अचानक जमिन मुनी शहरको अवशेष भेटिएपछि बैज्ञानिक र पुरातत्वविद समेत चकित परेका छन् ।
समाचारमा जनाइए अनुसार टर्कीको नेवसेहिर प्रान्तका केही पुराना घर भत्काउने काम चलिरहेको समयमा श्रमिकहरुले ७ किलोमिटर लामो एक सुरुङ फेला पारेका थिए । सुरुङबाट भित्र जाने क्रममा भित्र एक शहरको खण्डहर भग्नावशेष फेला परेको हो । टर्कीको समाचार पत्र हुर्रियत न्यूजका अनुसार यो शहर ५ हजार वर्ष पुरानो हो ।
प्राचीन अटोमन साम्राज्यको समयमा बनेको यो शहर करिव ५० वर्षफुट क्षेत्रमा फैलिएको छ । यहाँका घर, सडक लगायतका संरचना एकदमै बैज्ञानिक हिसावले बनाइएको पाहिएको छ । कुनै समयमा यो शहरको जनसंख्या २० हजार रहेको बताइएको छ ।

जँड्याहा मानिसहरु रक्सी खाएर मात्तिएको र होहल्ला गरेको त देखे सुनेकै कुरा हो । बाख्राले रक्सी पिएर हंगामा गरेको भने सुन्न पाइएको थिएन, अहिलेसम्म । तर छिमेकी मुलुक भारतका एक बथान बाख्राले अहिलेसम्म नसुनेको यो कुरालाई यथार्थमा परिणत गरिदिए ।
भारतको अहमदावादस्थित मेहसाणा जिल्लाका एक हुल बाख्रा हालै रक्सीको नशामा झूम भए । घटना जिल्लाको खेरालू सहरमा भएको हो । प्रहरीले छापा मारेर जफत गरेको रक्सी नष्ट गर्ने क्रममा यो घटना भएको रहेछ । प्रहरीले जफत गरेको अवैध मदिरा खुल्ला मैदानमा जम्मा पारेर नष्ट गरेको रहेछ । पोखिएको रक्सी जमिनका खाल्डाखुल्डीमा जम्मा भयो । चौरमा चर्न गएका बाख्राहरुले त्यो रक्सीको स्वाद निकै मन पराए र तनतनी ताने ।
यसरी तिर्खा मेटाउने गरी रक्सी खाने बार्खाहरु मध्ये अधिकांस बाख्रा स्थानीय रमेश पाटनी नामका किसानका परे । धेरै रक्सी पिएपछि बाख्राहरु बेहोस समेत भए । बेहोन नभएका बाख्राहरुले रक्सी खाएर मात्तिएको मान्छे झैँ वितण्डा गर्न थाले ।
रक्सीको नशाले झूम भएर बाख्राले वितण्डा गर्न थालेपछि र केही बाख्रा बेहोस समेत भएप्छि किसान रमेश पाटनीले सबै बाख्रालाई घरमा ल्याएर बाँधे । १२(१४ घण्टापछि मात्र बाख्राहरुको होस खुल्यो । रक्सीले मात्तिएका बाख्रामा रक्सीको प्रभाव कम गर्न र होसमा ल्याउनका लागि उनले दुध तथा दही समेत खुवाएका थिए ।
उक्त घटनापछि स्थानीय किसानहरुले प्रहरीको आलोचना गरेका छन् । खूरालुका सरकारी अधिकारीले समेत मदिरा नष्ट गर्ने क्रममा प्रहरीले लापरवाही गरेको आरोप लगाए । श्रोत(इण्डिया टुडे

एटिएम भन्ने बित्तिकै पैसा चाहेको बेला कार्ड छिराएर ह्वार्र पैसा निकाल्न सकिने बैंकघर भन्ने बुझिन्छ । तर अब एटिएम यत्तिमा मात्र सिमित रहेन । एटिएमले पैसा मात्र होइन अब पानी समेत दिने भएको छ ।
भारतको उत्तरप्रदेशको मथुरामा पानी दिने एटिएम स्थापना गर्न लागिएको छ । पानीको अभावमा काकाकुल जस्तै बनिरहेको मथुराको सोंख गाउँमा पानी शुद्धिकरण समेत गर्ने प्रविधि सहितको पानी एटिएम स्थापना गर्न लागिएको हो ।
उत्तर प्रदेशमा पहिलोपटक राख्न लागिएको यस्तो उपकरण उच्च क्षमताको हुनेछ र एउटा एटिएमले २५ सय परिवारलाई पानीको आपूर्ति गर्न सक्नेछ ।
यो पानी एटिएम मेसिनबाट पानी लिन चाहने उपभोक्ता गाउँलेहरुका लागि एउटा प्रिपेड कार्ड उपलब्ध गराइनेछ । यो मेसिनबाट पानी लिँदा प्रति लिटर १० देखि २० पैसा सम्म तिर्नुपर्नेछ भने विद्यार्थीहरुले निशुल्क रुपमा पानी पाउनेछन् ।
सरकारी अधिकारीहरुका अनुसार २० हजार लिटर क्षमताको यो मेसिन स्थापना गर्न झण्डै २० लाख भारु खर्च हुनेछ । अहिलेसम्म यो परियोजनाको ८० प्रतिशत काम पूरा भैसकेको र केही हप्ताभित्रैमा पानी एटिएम संचालन गरिसक्ने योजना रहेको छ । यो एटिएम बाट वितरण हुने पानी पूर्ण रुपमा स्वस्थ, चिसो तथा पिउन योग्य रहने बताइएको छ ।