महासचिव कर्माचार्यले पिसिबीको निमन्त्रणा नेपाली क्रिकेटको लागि महत्वपुर्ण अवसर भएको बताए। तर नेपाली टोली पाकिस्तान जाने बारेमा निर्णय भैनसकेको कर्माचार्यले बताए।

नेपालले जुलाईमा आयरल्यान्ड र स्कटल्यान्डमा हुने ट्वान्टी–२० विश्व कप क्रिकेटको छनोटको खेलमा सहभागिता जनाउने छ। छनोट प्रतियोगिता अघि पाकिस्तानको भ्रमण नेपालको लागि फाइदाजनक हुने महासचिव कर्माचार्यले बताए। सुरक्षाको बारेमा पूर्णरुपमा सन्तुष्ट भएपछि नेपाली टोलीलाई पाकिस्तान पठाउन सकिने क्यानले बताएको छ। पिसिबीका अध्यक्ष शहरयार खानले अन्तराष्ट्रिय सञ्चार माध्यमलाई नेपालसँगै नेदरल्यान्ड र नामिबियालाई पनि पाकिस्तान भ्रमणको लागि निमन्त्रणा दिएको बताएका छन्।

सन् २००९ मा श्रीलंकाली क्रिकेट टोली चडेको बसमा आतंककारी हमला भएपछि लामो समय कुनै पनि राष्ट्रिय क्रिकेट टोलीले पाकिस्तानको भंमण गरेनन्।

गत वर्ष केन्याले विश्व क्रिकेट लिग डिभिजन–२ को तयारीका लागि पाकिस्तान ‘ए' टोलीसँग ५० ओभरको पाँच खेल खेलेको थियो।